Пару днів перед вольбами має векшына партій проблемы з транспарентностьов кампани. Найліпше обстали Progresívne Slovensko, SaS і KDH. Найгірше є на тім Smer-SD а рух OĽANO і приятелі. Выходить то з оцінкы орґанізації Transparency International Словакія. Оціньовала 17 кандідуючіх субєктів із вытратами на кампань понад 50 000 евр, котры мають на банковім рахунку холем десять векшых трансакцій. Партія Smer-SD тырвать на тім, же їй волебна кампань є роблена в згоді з леґіслатівов, є транспарентна, і же на плачіня вытрат хоснує лем фінанції записаны на транспарентнім рахунку. Зато не є согласна з оцінков Transparency Internetional Словакія.

(Медвідь, TASR)