x

Пеллеґріні ся стритив з директорaми шпыталїв

00

Премєр Петер Пеллеґріні (Smer-SD) а міністерка здравотницьтва Андреа Калавска (nominantka Smer-SD) ся у четверь на Урядї влады СР стрітили з манажментом штатныx шпыталїв. Говорили довєдна о актуалнім ставі будов здравотницькых заряджінь. Представітелї кабінету недавно достали од штудентів Книгу плїсней з фотоґрафіями зо словацькых шпыталїв. Манажменты їм зась принесли книгы, в котрых згорнули, вшытко што оправили. ,, Не смієме доволити, жебы дакотры недостаткы, скорше естетічного або технічного дрібного характеру, затїнили велике множeство робот і великы інвестіції, котрых сьме свідками в остатнїх місяцёх до словацького здравотницьтва.” выголосив по стічі Пеллеґріні. Підчеркнув, же інвестіції суть в сучасности найвысшы в історії Словеньска. Спомянув наприклад будованя шпыталїв в Мартінї, Баньскій Быстріцї ці Братїславі, або зліпшованя выбавлїня шпыталїв. Здасть ся му, же о інвестіціях ся бісідує мало. ,, На основі дрібных похыбінь, котры єм днесь вытыкав директорам і намістникам, потім взникать образ, якебы тото здравотницьтво было факт в дезолатнім ставі, a я єм барз рад, же попри тых книгах котры єм достав од штудентів, єм достав і  такы книгы,” сконштатовав Пеллеґріні. Потвердив, же директоры  собі суть ведомы своїх проблемів.

(TASR, Шутіова)