Переможцьом волеб до Народной рады (НР) СР ся стала партія Smer-SD, котра здобыла 22,94 процента голосів. На другім місці скінчіло Progresívne Slovensko із 17,96 процентами. За ним наслідує Hlas-SD із 14,7, коаліція OĽANO a priatelia, Kresťanská únia a Za ľudí, котра здобыла 8,89 процента голосів. KDH здобыло 6,82 процента голосів, за ним наслідує партіія SaS із 6,32 процента.  До парламенту ся достала і SNS із 5,62 процента голосів. Волебна участь досягла 68,51 процента, голосувало 3.007.123 воличів. Найвеце преференчных кружків споміж кандідатьскых партій зволеных до Народной рады СР здобыв лідер Smeru-SD Роберт Фіцо. Закружковало го 531.528 воличів. Парламент ся в новім зложіню зыйде подля Уставы СР найпізніше до 30 днів. Найвысшу волебну участь евідовали в часі суботняйшых парламентных волеб в Братіславскім краю. Прийшло там волити 74,46 процента людей. Найнижшу участь зазначіли в Кошыцькім краю, де прийшло к урнам 60,78 воличів. (TASR, Pkf)