Платы робітникам у школстві ся мають підняти.  Мать ся завести і приплаток за оціньованя педаґоґічного і фахового робітника, як спосіб надтаріфного оцінюваня робітників в залежности од їх выкону і кваліты роботы. Выходить то з новелы закона о оцінюваню дакотрых робітників при выконі роботы у публічнім інтересі і о педаґоґічных і фаховых робітниках, котры днесь посланці Народной рады (NR) SR посунули до другого чітаня. О леґіслатівных управах їднають в скороченым режімі. В припадї педаґоґічных і фаховых робітників бы ся мали платовы таріфы підняти од 1-го септембра о 7% а од 1-го януара 2026-го року о далшых 5%. Непедаґоґічны робітници бы мали мати новуособну ступніцю платовых таріф. (TASR, Pkf)