Медіялізованы інформації о проходжіню уносу вєтнамского жытеля і залучіню до кавзы Словакії суть про посланця Народной рады СР Роберта Каліняка міморяднов облудностёв. „За рокы єм привык на кламливы і заваджаючі статї, тото є але міморядна облудность. Суть то выдуманы річі і снага забруднити Словакію, затягнути єй до того в чім нефіґурує і нияк на тім не брала участь,“ декларовав Каліняк. Шандарїв, котры мали выповідати о проходжіню уносу, означів Каліняк з імаґінарных. Нїмецька страна подля Каліняка выслухала вшыткых людей і дала погляд, же Словакія до того не є заплетена, але могла быти окламана. Припад уносу вєтнамского подникателя поважує владна партія Most-Híd за безпрецедентный і выжадує разны крокы. Most-Híd жадать зрядити шпеціалну вышетрюючу комісію і выводжіня персоналной одповідности. До закінчіня вышетрёваня хоче, жебы быв мімо службу поставленый директор Уряду на охрану уставных чінітелїв Петер Крайчіровіч. На марґо пожадавкам партії Most-Híd, Каліняк повів, же буґаровци бы ся мали занимати реалныма дїлами і фактами а не выдуманов статёв.
(TASR)
Фото: TASR