Посланці Народной рады СР бы  мали продовжувати в діскусії о пропозиції на одкликаня міністра внутра Матуша Шутая Ештока знову завтра 28-го новембра з початком од 9.00 год. До діскусії є приголосеных асі коло 30 діскутуючіх писомно, по них будуть мати можность посланці ся голосити і устно. О пропозиції на высловіня недовіры міністрові  зачало пленум їднати в четверь, 23-го новембра. З пропозиційов пришов Міхал Шімечка (PS). Меджі прічіны на одход Шутая Ештока з функції увів чісткы у веджіню поліції. Твердить тыж, же міністер порушыв закон, кедь некомуніковав з урядом про охрану ознамователів протисполоченьского діяня при вердікті о поставліню досліджувателів мімо службы, причім тоты мали статус храненого ознамователя. Опозиція тыж крітізує опатріня на словацько-мадярьскых границях, котры поважують єй представителі за театер. (TASR, Pkf)