По тестовачім ходї Міністерство внутрїшнїх дїл СР у четверь святочно отворило кліентьскый центер при Окреснім урядї Кошіцї – околіця на Гронцовій уліцї в Кошіцях. Іде в порадю о 65. кліентьскый центер на Словакії, міністерство їх в повязаню з проґрамовым выголошінём влады хоче зрядити цїлково 78. Верейность найде подля резорту на єдній адресї робочі місця окресного уряду, а то жывностне подниканя, дорожный транспорт, одбор енвіроменталной старостливости, одбор фундушів і лїсїв, як і службы освідчованя підписів на листинах і подательню. Частёв кліентьского центра суть аґенды поліції, а то оддїлїня докладів, як і евіденція моторів, збраней і муніції. На реконштрукцію будовы дав резорт 1,9 міліона евр.

(TASR, Шутіова)