У вівторок 29-го септембра  2020-го  року проходила на Уряді про Словаків жыючіх в загранічу стріча председы уряду Мілана Піліпа з представителями Округлого стола Русинів Словеньска (ОСРС). За ОСРС брали  на робочій стрічі участь председа Петро Штефаняк і правньк Мартін Дуфала. Як інформував Піліп на своїм офіціалнім сайті на сіті Facebook, вєдно із своїма колеґами рішыли вопрос, о кого бы мала мати Словацька република інтерес, ці лем о Словаків, або о вшыткых краянів за границями. Як про редакцію ЛЕМ.фм председа ОСРС Петро Штефаняк повів, „є важным жебы словацька держава думала нелем на етнічных Словаків, але і на людей іншакой народности, котры із території днешньой Словакії еміґровали. Русины, котры днесь жыють в іншых державах, і мають коріня одтыль, чують, же тото є їх родна земля, мають ку ній одношіня як ку своїй праотцюзнині‟.  (LEM.fm, Pkf)