Председа Народной рады (НР) СР Боріс Колар (Sme rodina) удїлить у четверь (16.9.) штатну цїну Йосифа Мілослава Гурбана. Славностна церемонія ся зачне о 11.00 г. в репрезентачных просторах Братїславского граду. TASR о тім інформовав одбор комунікації з медіями і верейностёв Канцеларнї НР СР. Лавреатами штатной цїны в тім рочнику суть Любомір Фелдек ці Петро Сабака, але і представітелї Білой леґії, окремо Антон Тунеґа, Алберт Пучік і Едуард Тесар ін меморіам. Єднак ін меморіам суть лавреатами і Антон Нойвірт (Anton Neuwirth) і Гана Геґерова. Цїну на основі закона платного од 1. януара 2018 одовздавать председа НР СР. Оцїнити так може єднотливця ці колектів за міморядно вызначны заслугы, резултаты роботы або пособлїня в области леґіслатівы, права, розвитку демокрації або уставности в СР. Штатну цїну Гурбана мож удїлити і обчанови інакшого штату або в гуманітарній области.

(TASR, Шутіова)