Презідентка Зузана Чапутова выпише референдум дотуляючій ся передчасных волеб мінімално з єдным вопросом. Ці буде мати референдум два вопросы, буде залежати од Конштітучного суду, до котрого зверне ся. Вопрос, котрый в референдумі стопроцентно буде, є о скорочіню волебного періоду Народной рады, будь референдумом або рішіньом парламенту і о выписаню передчасных волеб. Подля презіденткы є в згоді з конштітуційов. Презідентка має похыбности при далшім вопросі, котрый дотулять ся пожадавкы, жебы влада подала демісію. Тот є за їй поглядом спорный. Покля Конштітучный суд сконштатує, же пропонованый референдумовый вопрос є в порядку, выпише референдум з двома вопросами, но припомянула, же в минулости Конштітучный суд быв того погляду, же не мож референдумом ани іншым способом, котрый не є записаный в Конштітуції Словацькой републікы, закінчіти функчный період орґану публічных властей.

(Медвідь, TASR)