Презідентка Зузана Чапутова оголосить до кінця тыждня термін установлюючого засіданя Народной рады Словацькой републікы. Інформовав о тім їй говорця Мартін Стріжінєц. Новы посланці мусять засідати найпізніше на 30-ый день по выголошіню резултатів парламентных волеб, што было 1-го октобра. На засіданю, котре скликує презідентка, має одголосовати ся веджіня парламенту а мають ся зрядити парламентны выборы. Презідентка вчера стрітила ся з Андрейом Данком із SNS а шефом SaS Ріхардом Суликом, чім закінчіла їднаня з лідерами партій, котры дістали ся до парламенту. Председа партії Smer-SD Роберт Фіцо як вітяз волеб дістав 2-го октобра од презіденткы повіріня на зоставліня влады. Голова державы му дала 14 днів. Фіцо быв першым, з кым ся презідентка стрітила, пак наслідовали председа проґресівців Михал Шімечка, председа партії Hlas-SD Петер Пеллеґріні, шеф KDH Мілан Маєрьскый і лідер руху OĽaNO a priatelia Іґор Матовіч.

(Медвідь, TASR)