Жадна інша влада на Словеньску не наступовала до так зложытой сітуації. Непозераючі на нашы політічны преференції маме в тій хвілї єднакы обчекованя, же нас влада Іґора Матовіча (OĽaNO) переведе тяжкыма днями, докаже приправити нашы шпыталї на звышену кількость хворых а же приготовить опатрїня, котры нам поможуть переконати господарьскы і соціалны дослїдкы крізы. В міморяднім прояві на ТВ Маркіза то увела презідентка СР Зузана Чапутова. ,,Переход моци в такій сітуації собі жадать найвысшу міру охоты усвідомити сі сполочный інтерес і одповідость. Вірю тому, же ку вымінї дойде способом, котрый не буде доводом на неістоту в сполочности,“ повіла презідентка, котра зарівно подяковала дослугуючому премєрови Петрови Пеллеґрініму (Smer- SD) і членам крізового штабу за особне насаджіня при заводжаню безпечностных опатрїнь і іх одповідну комунікацію вочі публіцї.

(TASR, Шутіова)