Презідентка СР Зузана Чапутова в новорочнім выступліню вызвала на зміну, в 2020-ім року треба за єй словами зробити конкретны крокы. Підчеркла потребу дотягнути зміны в здравотницьтві, треба ся нутні постарати о сенёрів і потребу розумных інвестицій в школстві. Одстранити треба недостаткы правного штату. Підчеркла і потребу довірї і солідаріты, крітізувала грубе поводжіня і маніпулацію в общіх дебатах. Обывателів вызвала, абы прийшли волиты у фебруаровых парламентных вольбах. Як презідентка СР Зузана Чапутова апелувала, „О нецілы два місяці, в день, кедь буде волич знова кральом, буде вырішено, хто і в якій мірї буде заступовати жытеля в законодарнім корпусі. Схоснуйме дану велику нагоду і подьме, прошу, волити.“ Общность вызвала, абы з нового рока зробили рік шанцы і схоснованых можностей. (TASR, Pkf)