Презідентка СР Зузана Чапутова зачінать з властнов дискуснов релаційов, котра мать назву Дебаты з Презідентского палаца. Взникати бы мала із четвертьрічнов періодіцітов, шырена буде через соціалны сіті презіденткы. Перша часть ся заміряла на предволебну атмосферу на Словакії і была опублікована вчера. В презідентскім палаці будуть діскутовати одборници і актівны анґажованы люде, котрых назор і цінны скусености за словами презідентского палаца бы сьме мали познати. В публіку будуть єдночасно притомны люде, котрых ся тема тісно дотулять і котры мають тыж можность вступити до дебаты. (TASR, Pkf)