Презідент СР Петер Пеллеґріні выменовав у четверь 19 новых судцїв общіх судів. У своїм прояві підкреслив, же незалежне судництво є єден з основных піліерів, о котры ся операть наша штатность. Выразив, же і новы судцёве буду своёв роботов прыспівати ку стабілітї а певности незалежного судництва. ,,Вашы рішіня овпливнять не лем актерів єднотливых припадів, о котрых будете рішыти, але будуть мати досяг і на то, до якой міры жытелї Словацькой републікы будуть або не будуть довіровати справодливости, правному штату і демократічній сістемі, накілько поважають свою власть за безпечный і справодливый домів,“ конштатовав презідент. Упозорнив, же кедь обчан внимать середовище, в котрім жыє, як несправодливе, може то подля нёго вести ку знищуючім наслїдком. Пеллеґріні підкреслив, же справодливость не мож доцїлити несправодливостёв.

(TASR, Шутіова)