Здравотницьтво, безробітность і розвиток дорожной інфраштруктуры были темы, о котрых презідент Андрій Кіска у четверь діскутовав у Пряшові зо заступцями крайской самосправы. В рамках робочого  выязду быв і на стічі зо заступцями міста. ,,В рамках моёй розлучкы зо Словеньском єм завитав до Пряшова. Тым, же єм з Пряшівского края, є мі то о то близше і проблематіка края є мі барз близка. Могли сьме з паном председом говорити детаілнїше о тім, што реално Пряшівскый самосправный край трапить“ повів по стрічі з председом ПСК Міланом Маєрьскым презідент Кіска. Увагу звернув на высоку міру безробітности на выходнїм Словеньску напроти іншым реґіонам, і проблему вылюднёваня єднотливых сел. Рішїнём бы подля ёго слов быв розвиток дорожной інфраштруктуры і вступ Україны до Европской унії.

(TASR, Шутіова)