Председа влады СР Едуард Геґер (OĽANO) роковав у четверь в Атенах з ґрецькым премєром Кіріакосом Мітсотакісом. Геґер по рокованю на соціалній сїтї ознамив, же стрїча потвердила ёго очекованя а рештарт взаємных одношінь меджі Братїславов і Атенами ся подарив. ,,Посунули сьме одношіня меджі нашыма країнами на нову якость. Чув єм щіру вдяку ґрецкой страны за выборну роботу нашых гасічів почас лїтнїх пожарів. Поміч сьме обіцяли і при залїснёваню теріторій, котры были пожарами знищены,“ написав Геґер на соціалній сїтї Фейзбук. Окрем білатералных вопросів ся премєры занимали і темов кліматічных змін. Председа влады СР зарівно інформовав, же з Мітсотакісом говорили і о можностях сполупрацы в путёвім руху. Геґер зарівно оцїнив намагу влады в Атенах хранити сполочну европску граніцю. Подля словацького премєра на то Ґрекы вынакладають великы матеріалны і людьскы здрої.

(TASR, Шутіова)