Премєр Едуард Геґер одсуджує опозічну партію Smer-SD за святкованя 78-ой річніці Словацького народного повстаня у Зволені, на котре запросили російского посла Іґора Братчікова і представителя білоруськой амбасады. Інформовав о тім на соціалній сіті. Подля премєра то є ображіня памяти жертв повстаня і вшыткых антіфашістів на Словакії. Геґер ся высловив, же так вызерать колаборація з войновыма злочінцями, і так аплавдує ся проливаню кырви безвинных. Запрошіня російского посла крітіковав і шеф словацькой діпломації Іван Корчок а міністерка інвестіцій, реґіоналного розвитку і інформатізації Вероніка Ремішова.

(Медвідь, TASR)