На братіславскій Зоховій улиці наразило в неділю коротко по 22.15 г авто до заставкы містьской громадной доправы (MHD). Негода сі подля дотеперішніх інформацій выжадала пятьох мерьтвых і десять важно зраненых. На соціалній сіті о тім інформувала старостка братіславского Старого міста Зузана Ауфріхтова. Поліція жадать свідків траґічной негоды в центрі Братіславы о поміч. Як ю дахто видів і мать інформації, котры поможуть при досліджуваню, може ся приголосити на безплатнім чіслі поліції 158. Тыж може поліцію контактовати через приватну справу на соціалній сіті Facebook  на сторинці Поліції СР Братіславскый край. (TASR, Pkf)