Міністерство културы СР выголосило выберове конаня на обсаджіня міста директора Бібіаны, меджінародного дому уменя про дїти. Інтересуючі ся можуть приголосити до 10. марца. TASR о тім інформовала Адріана Чагоёва з реферату комунікації МК СР. Цїлём резорту културы як зряджователя Бібіаны є, жебы до чола той інштітуції наступила особность, котра забезпечіть не лем авторску слободу про творбу і актівіту орґанізації, єй годнотовый розвиток і презентацію, але тыж підвышыть транспарентность, незалежность і ефектівность господаріня а єй фунґованя. Інтересуючі о тоту позіцію ся у своїх проєктах розвитку і ряджіня мають напрямити на то, жебы Бібіана была отворенов інштітуціёв про вытварных умелцїв зо Словакії і зо світа.

(TASR, Шутіова)