Міністерство школства, наукы, дослідженя і шпорту зачало справне діяня проти трьом фірмам, котры продавають заверечны роботы. Зробило то так на основі імпулзу Надації Заставме корупцію, котра о тім пресаґентуру TASR інформувала. Потвердив то і ґенералный діректор секції высокых школ резорту школства Марцел Вісоцкі. “За споминане діяня фірмам грозять покуты уж рік, одколи Надація Заставме корупцію достала до закона термін академічный підфук,“ пояснив Мартін Сухый з Надації Заставме корупцію. Академічный підфук, як го дефінує закон о высокых школах, вмістить в собі сітуації, кедь штудент предкладать заверечну роботу, котра не є выслідком  його властной і самостатной діятельности. Санкції ся шак односять і на фірмы і особы, котры беруть участь на писаню ці пропаґації продая заверечных робот. Грозить їм покута у вышці од 10.000 до 50.000 евр. (TASR, Pkf)