Розглас і телевізія Словакії є необєктівна і чує то і значна часть позерателів. В діскусній релації RTVS то увів председа парламентного выбору про културу і медія Роман Міхелко (SNS). Председа SaS Станіслав Ґроглінґ попередив, же зміны в законі o RTVS з ділні резорту културы вертають телевізію до твердого соціалізму. Премєрь Роберт Фіцо собі думать, же при змінах в законі дотуляючіх ся Розгласу і телевізії Словакії суть наповнены условія на їх продіскутованя в скороченім леґіслатівнім діяню. Увів то на соціалній сіті. Протесты публікы чує як часть презідентьской кампанії. (TASR, Pkf)