x

Родічі не хотять зрушіня ресоціалізачного центру Čistý deň

00

2790041Родічі кліентів ресоціалізачнго центру Čistý deň жадають міністра роботы, соціалных справ і родины Яна Ріхтера о переоцініня його пропозіції на одобратя акредітації тому заряджіню. З міністром хотять стрітити ся і діскутовати іщі перед їднаньом акредітачной комісії, котра буде 23-го авґуста вырішовати о зрушіню акредітації про Čistý deň. Выходить то із одкрытого писма, котре родічі дали пресовій аґентурі SITA. Міністерство в половині авґуста інформовало, же зрушыть акредітацію тому заряджіню. Причінов было потверджіня поліції, же в обновленім карнім процесі было дане обвиніня зо сексуалного знеужываня проти бывшого робітника ресоціалізачного центру. Подля родічів кліентів чін конкретной особы не є причінов на одобратя акредітації заряджіню.
(Петро Медвідь)