В періоді януарь аж септембер 2019-го року досягла середній місячный заробіток в потравинарьскім промыслі СР уровень 1018 евр. Против згодному періоду 2018-го року то представує наріст о 8,6 %. Повів то про пресову аґентуру TASR Матей Корпаш із Словеньской землегосподарьской і потравинарьской коморы. Найвысшый меджірічный наріст середнього місячного заробітку настав за його словами в області спрацюваня і конзервуваня овоцины і зеленины, де середній місячный заробіток 897 меджірічно ся звышыв о 15,2 %. Вецей як середній місячный заробіток в потравинарьскім промыслі в данім періоді 2019-го року досягли і робітници в області управы і спрацюваня молока (1122 eur), выробы готовывой кормовой културы (1177 eur), ці выробы тырваючіх пекареньскых продуктів (1057 eur). (TASR, Pkf)