x

Словакія достане в наслідуючіх роках з ЕУ 34,1 міліярды евр

00

Словакія достане в наслідуючіх роках з Европской унії 34,1 міліярды евр і вєдно зо звыгоднішов пожычков з фонду обновы буде мати к діспозиції вецей як 40 міліярд евр. Країна бы так мала в середині рочні мінути на проєкты рекордных веце як 6 міліярд евр. Повів то вчера по вернутю ся з бруселского саміту лідрів країн Европской унії премєр Іґор Матовіч. Словакія буде мати подля премєра к діспозиції з дотеперішнього проґрамового періоду невычерпаных вісем міліярд евр, з пакунку фонду обновы 7,5 міліярд евр і зо сімрочного бютжету ЕУ на рокы 2021-2027 достанеме 18,6 міліярды евр. З фонду обновы іщі може Словакія черпати пожычку до вышкы 6,8 міліярды евр і властне сполуфінанцованя проєктів є наплановане у вышкі 2,9 міліярды евр. (TASR, Pkf)