x

Словакія має властны тесты на COVID-19

00

Словакія бы штохвіля мала вызначно звекшыти кількость тестовань на хвороту COVID-19. Поможе тому діаґностічный PCR тест, котрый зробили словацькы науковці на чолі із словацьков фірмов MultiplexDX. Фундація Eset фінанцує першых 100 тісяч фалатків. У віторок о тім на Уряді влады інформовав член перманентного крізового штабу Роберт Містрік за участи премєра Іґора Матовіча. Тесты суть подля Містріка якостны єднако як загранічны. Ключовый компонент выробив науковець Павол Чекан. Тесты суть в остатній фазі вывоя, вырабляти ся зачнуть в найблизшых днях. Новый тест меджітым отестовав і тім науковців з Біомедициньского центра Словацькой академії наук. Тесты ся актуално валідують, пак бы мали перейти цертіфікаційов. По ній бы мали быти понукнуты Уряду верейного здравотництва, што бы могло быти до трьох тыжднів.

(Медвідь, TASR)