План обновы є унікатный паклик грошей і Словакія бы мала зробити максімум, жебы їх схосновати. Но влада Едуарда Геґера в тій области робила єдну хыбу за другов і реално грозить, же Словакія не схоснує 877 міліонів евр з плану обновы в области здравотництва, выголосив у понедільок председа мімопарламентной партії Hlas-SD Петер Пеллеґріні. Огроженых є подля партії 281 міліонів на новый шпыталь Разсохы, 330 міліонів на новый шпыталь в Мартіні, 212 міліонів евр на реконштрукції реґіоналных шпыталів ці 54 міліонів евр на станіці і автомобілы скорой здравотной службы. Тоты проєкты подля партії Hlas-SD при сучаснім стані не стигнуть ся зреалізовати до 2026-го року, коли план обновы кінчіть.

(Медвідь, TASR)