Словакія мусть подля премєра Петра Пеллеґрініго раховати з причіны конфлікту на Україні зрізныма крізовыма сценарями. Повів то днесь на пресконференції, котру мав з міністрами внутрішніх справ і обороны. Єден сценарь є в припаді звекшіня конфлікту о масовій міґрації, другый о енерґетічній крізі. За премєровыма словами ся може з причіны конфлікту велика часть україньского населіня хотіти пересунути із выходных частей на запад, што може вытворити тиск на перекрочіня словацькой граніці. Другый сценарь дотулять ся енерґетікы. Влада подля премєра мусить раховати з тым, же Росія може перестатити додавати комодіты на Україну, што бы постигло і Словакію. Словакія має подля Пеллеґрініго достаточны резервы ропы і ґазу, аж на 105 днів. Єдночасно підкреслив, же влада затля не має інформації о тім, же бы конфлікт на Україні мав ескаловати.
(Медвідь, Denník N)
Фото: TASR