x

Словацькый міністер жывотного оточіня в минулім року заробив 332.322 евр

00

Найвецей з членів влады в минулім року заробив міністер жывотного оточіня Ласло Соломош а то 332.322  евр. Другый найвышшый заробіток у вышкі 72.758 евр указав міністер обороны Петер Ґайдош, третій у вышкі 69.487 евр ехміністер фінанцій Петер Кажімір. Наслідує підпредседа влады про інвестиції і інформатізацію Ріхард Раші зо заробітком 59.036 евр. Выпливать то з їх маєтковых признань, котры суть опублікованы на інтернетовім сайті Народной рады СР. Соломош за выкон общой функції в минулім року заробив 39.322 евр. Найвысшу часть його минулорічных заробітків творив прибыток з дівіденд і продая землі, а то у вышкі 293.000 евр.  (TASR, Пкф)