Міністерство здравотницьтва СР, подля Уряду про публічне обстарaваня (ÚVO), приготовило тендер на захранкы в конфлікті з европскыма предписами. Уряд підкреслив, же екзістенцію конфлікту декларовала Европска унія іщі в році 2020 в реакції на попередній тендер. Резорт подля уряду од того часу не быв способный управити здравотницькы законы подля европскых предписів. Пресаґентуру TASR о тім інформував говорця ÚVO Міхал Дзурянін. Сучасна сітуація, повязана з выбером превадзкователя 344 поземных станіць і семых амбуланцій гелікоптеровой захранной здравотной службы, є подля председы ÚVO  Петра Кубовіча наслідком довгодобо нерішеных недостатків словацькой леґіслатівы. (TASR, Pkf)