В припадї потребы ся стрїча америцького презідента Доналда Трампа і шефа Кремля Володiмiра Путїна може одбыти на авґустовых ославах Словацького народного повстаня в Банскій Быстріцї. Увів то міністер загранічных дїл СР Мірослав Лайчак. Подля ёго слов владї залежыть на тім, жебы ославы СНП были достойны, затоже іде о 75. выроча. ,, Не хочеме з того робити догонкы. Тоты ославы не будуть залежны од того, хто прийде а хто не прийде. Суть то нашы ославы, про нашых людей” увів шеф словацькой діпломації. ,,Кедь буде потреба, жебы ся тоты двоє лідры стрітили, так собі можуть повісти, же мають позваня на Словеньско і можуть го коло той події вывжыти. Кедь не буде тлак на то, жебы ся стритили, так ся, самособов, така стріча не одобє,” конштатовав міністер.

(TASR, Шутіова)