Україна собі вже превзяла 30 бойовых возів піхоты BVP-1 од Словакії. Інформовав о тім на соціалній сіті міністер обороны Ярослав Надь. Як припомянув, Словакія за то дістане од Німецька 15 бойовых танків Leopard 2 A4 по ґенералці включно наградных сучасток, муніції і выцвіку. Першый танк має прийти на Словакію почас децембра, наслідно каждый місяць почас рока 2023 прийде єден аж два танкы. Тоты танкы подля міністра Надя значно посилнять словацькый танковый прапор, чім Словакія наповнить далше условіє на выбудованя тяжкой механізованой бріґады в рамках цілів способностей НАТО.

(Медвідь, TASR)