Часть закона о слободнім приступі к інформаціям, котра уможнює сплатньованя даваня інформацій, є в конфлікті з Уставом. Рішыв о тім Уставный суд СР, котрый діяня конфліктных часті позаставив уж в марці тото рока. Новелу інфозакона напала на Уставнім суді (УС) ґрупа опозічных посланців, як і публічный охранця прав Роберт Доброводськый. Установліня суть подля УС в конфлікті з многыма статями уставы, як і зо статьом Договору о охрані людьскых прав і основных слобод, котрый ся дотулять слободы прояву. (TASR, Пкф)