Функчный період нового презідента Поліцайного збору бы наконець не мусив быти сімрічный. В проґрамі Braňo Závodský Naživo радія Expres то припустив председа влады. Реаґовав так на факт, же пропозіція новелы закона о Поліцайнім зборі окрім незгоды опозіції не стрітила ся ани з єднозначнов підпоров у владній коаліції. Міністерка внутрішніх справ Деніса Сакова потвердила моживость, же новый поліцайный презідент буде мати наконець коротшый мандат. Інформовала о тім на соціалній сіті. Як написала, період бы міг быти нелем коротшый, але є і можливость, же єден кандідат бы міг на посаду кандідовати веце як лем раз, інформовала аґентура TASR.
(Медвідь, TASR)