Пакунок консолідачных опатрінь на рік 2026 буде мати 22 опатрінь в цілковій сумі 2,7 міліярды евр. Скоро половина, 1,3 міліярды евр, бы ся мала здобыти шпоріньом на выдатках штату. Інформовав о тім вчера міністер фінанцій Ладіслав Каменіцкый. Штат бы мав ушпорити 1,14 міліярды евр, наприклад понижіньом выдатків на товары і службы, зрушіньом і злучіньом дакотрых урядів, але  главно понижіньом выдатків на заробіткох. Тоты бы ся аж на выїмкы не мали в будучім році валорiзовати. Найвеце додатoчных прибытків мать штату принести звышiня здравотного одводу заместнанців о 1%, і то 358 міліонів евр. Звышыти ся мать проґресівность здaніня фізічных особ. К двoм дотеперьішнім таріфам 19% і 25% прибудуть зо звышіньом їх заробітку іщі таріфы 30% і 35%. Уставны функціонарі будуть мати тоты таріфы звышены о далшых 10%. Цілково хоче штат на тім опатріню, подля міністра, здобыти понад 200 міліонів евр. (TASR, Пкф)