Словакія не буде в державнім розрахунку на рік 2026 підтримовати жадне звекшіня вытрат на купліня збройных сістем над уровень року 2025. Выголосив то премєр Роберт Фіцо. Держава собі мусить выдобыти суверенне право вырішыти, в якім темпі і штруктурі є приготовлена звекшовати розрахунок Міністерства обороны з цільом досягнути план НАТО в році 2035. Фіцо далше твердить, же будьяке підниманя розрахунку резорту обороны на рік 2026 буде схосноване лем на проєкты дуалного ціля, як суть шпыталі і драгы. Припомянув, же Словакія є членьсков державов НАТО, і мусить вырішыти, ці обовязкы выходячі з членства буде решпектовати або прийме в будучности інше рішіня. „О великім зброїню і можливім ґлобалнім воєньскім конфлікті ся днесь бісідує омного веце як о мірі, ці підниманю жывотной уровни людей,“ думать собі Фіцо.

(Медвідь, TASR)