x

Ціна Йозефа Мілослава Гурбана про єпіскопа Ґойдіча

00

Председа Народной рады Словацькой републікы Борис Коллар в понедільок інформовав о лавреатах Ціны Йозефа Мілослава Гурбана. In memoriam буде оціненый і русиньскый ґрекокатолицькый єпіскоп, блаженый Павел Петро Ґойдіч.Председа парламенту буде оцініня удільовати днесь, при нагоді державного свята – Дня конштітуції Словацькой републікы. Коллар на пресконференції повів, же ціну буде передавати людям, котры у своїм жывоті зробили много про Словакію і їй гражданів. В припаді Ґойдіча за його словами іде і о сатісфакцію церьквам, котры в 1940-ых і 1950-ых роках зажыли перзекуцію. „Є то і особный голд особі, котра в такых тяжкых часах проявила невіроятну особну храбрость і не зломили го ани нелюдьскы условії,“ повів председа словацького парламенту. Меджі лавреатами є Владимір Кырчмерій, Мілан Княжко і Ян Будай. In memoriam дістане оцініня вєдно з Ґойдічом і рабін Роні Кон.

(Медвідь, TASR)