На торгу праці пав дальшый рекорд, за май заместнавателі придали через портал Profesia.sk веце як 27.000 робочіх понук. Таке чісло новых інзератів  за місяць взникло першы раз в 24-рочній історії порталу. Інформувала о тім говоркыня порталу Нікола Ріхтерова. За тогорічный май опубліковали заместнавателі о  скоро 1500 робочіх понук веце як в рекордный май 2017-го року. Протів рекордному маю 2017-го року тот рік прибыли новы можності главні в ІТ і у выробі. В області ІТ ся звышыло чісло понук о 30% а у выробі о 12%. Протів маю 2017-го року  є шак на Словакії высша безробітність – актуалні за апріл є на урядох праці евідованых коло 220.000 людей, в маї 2017-го року їх было о 20.000 менше. (TASR, Pkf)