Членьскы штаты Европской унії узнали, же зрушїня транзіту ґазу через Україну ,,є проблем, котрый огрожує цїлу ЕУ,“ увів у четверь на соціалній сїтї Фейсбук премєр СР Роберт Фіцо по скончіню міморядного саміту членьскых держав Унії в Бруселї. Фіцо іщі перед самітом о далшій підпорї Українї і будучности европской обраны увів, же буде пожадовати, жебы частёв четверёвых заверів саміту была формулація, котра вызве на гляданя рїшіня на повторюючі обновіня транзіту ґазу через Україну на Словакію, в опачнім припадї заверы саміту заблокує.

(TASR, Шутіова)