Штуденты середнїх школ ся можуть приголосити до роботічного змаганя First Global Slovensko 2025. Одбуде ся правдоподобно концом апріля а змагати ся буде о поступ до світового фінале. Председа обчаньского здружіня First Global Slovensko Адам Кукла приближыв, же тот рік буде в змаганю дакілько змін. ,,До змаганя мож вступити посередництвом трёх вызев, причім з каждой ся очекує інакшый выступ,” підкреслив Кукла. Высвітлив, же основнов частёв є тзв. гардверова вызва, де тім пропонує, конштруує і проґрамує робота про змаганя в герній аренї. Темов є тот рік Выжыва про будучность. Штуденты середнїх школ ся можуть приголосити до 14. фебруара, причім тім ся мусить складати з трёх аж 12 штудентів і ведучого ментора.

(TASR, Шутіова)