З місца нещастя двох влаків меджі Братіславов і Пезінком покы суть інформації о 11 пораненых, котры суть госпіталізованы і десяткы легко пораненых людей. Пресаґентуру TASR о тім  інформовали зо Желізнічой сполочности Словакія (ZSSK) з тым, же влак REX 1814 (з Нiтры до Братіславы) ся по выйджіню зо станіці Пeзінок зразив з влаком Ex 620. ZSSK передпокладають выразне мешканя. Причіны гаварії не суть в данім моменті подля ZSSK знамы. При зражці влаків на траті меджі Пeзінком і Братіславов не дошло к жертвам на жывотах. Інформовав о тім на місці нещастя і міністер внутра Матуш Шутай Ешток. По нещастю перевезли 11 зраненых до шпиталів в Братіславі, легко ся поранили десяткы особ. У влаках, подля міністра, путовало скоро 800 особ, обідва влакы были подля нього „повны штудентів”. Єден ішов з выходной Словакії а другый з Нiтры. Міністер ся подяковав вшыткым засaгаючім частям. (TASR, Пкф)