Опозічный рух KDH обще підтримує думку продовжіня функчных періодів у самосправі із 4-ох на 5 років. Но коалічну пропозіцію з тов змінов без цілообщественной згоды через ціле політічне спектрум не підпорить. Выходить то із становиска KDH про TASR. „Без сповніня тых ословій пропозіцію, котру передложыла партія Hlas-SD, не підпориме,“ інформовали хрістіаньскы демократы. Єдночасно выголосили, же за важніше наперед поважують вырішыти децентралізацію самосправ із розділіньом компетенцій і грошей од влады, і перенесіня векшой части еврофондів на самосправы. Опозічны субєкты Progresívne Slovensko, SaS і Hnutie Slovensko уж перед KDH выголосили, же пропозіцію не підпорять. Арґументовали, же новелізація не рішыть сітуацію в самосправах, і думають, же коаліція бы мала рішыти реалны проблемы людей.

(Медвідь, TASR)