Лідер кандідачного списку Most-Híd у вольвах до европарламенту Йожеф Надь думать, же партія бы мала глядати по слідуючіх вольбах до парламенту іншых коалічных партнерів як Smer-SD i SNS. Выступліня з коаліції вылучів і вольбы бы хотів в ряднім терміні. Подля його слов ся не рихтують вычеряти председу Белу Буґара. Надь повів, же Most-Híd, котрый не здобыв ани єден мандат в евровольбах, платить ціну за то, же суть в коаліції. Додав, же за слабшым резултатом партії видить і кавзу співаня гімны. Є пересвідченый, же кебы спор о співаня чуджой гімны быв о пів рока скоріше, было бы то видіти на силнішім резултаті його партії у вольбах.

(Медвідь, TASR)