Посланцї Народной рады СР за опозічне PS хотять просадити зміну условій коло реґістрації церьквей і набоженьскых компаній. Пропонують двойступнёвый процес реґістрації. Хотять так забезпечіти приступ ку правам плынучім з набоженьской слободы і меншым компаніям, котры суть подля них в сучасности діскрімінованы. До парламенту передложыли новелу закона о слободї набоженьской віры, поставлїню церьквей і набоженьскых компаній. Першый ступінь реґістрації бы подля новелы могла церьков цї набоженьска компанія здобыти, кебы мала кількость 150 членів. На здобытя другого ступня бы зась требало неперерывну дїялность пять років в згодї зо законом і кількстёв членів на уровни мінімално єдного проміле цїлковой кількости жытелїв СР. пропоновали тыж завести повинность реґістрованый церьквей і набоженьскых компаній передкладати каждый рік справу о своїй дїялности. Одоводнили то потребов транспарентности.

(TASR, Шутіова)