Лідеры партій Smer-SD, Hlas-SD i SNS підписали в понедільок коалічный договор. Зробили так в історічній будові Народной рады Словацькой републікы. Председа партії Smer-SD Роберт Фіцо по підписі інформовав о перерозділіню окремых міністерьскых посад. О менах не інформовав. Фіцо хоче, жебы ся о проґрамовім выголошіню голосовало в парламенті до 17-го новембра. Термін бы хотіли стигнути в припаді, же влада буде выменована слідуючій тыждень. За словами Фіца основны стовпы нового проґрамового выголошіня влады ясно коалічны партії задефіновали в меморандумі о порозуміню, котрый схвальовали і підписовали минувшый тыждень. Подля коалічного договору жадна партія коаліції не може просаджовати свої інтересы на корист іншой коалічной партії сполочным поступом із партіями опозіції або індівідуалныма депутатами Народной рады. Значіло бы то грубе порушіня коалічного договору.

(Медвідь, TASR)