Представителі опозичного Smeru-SD і членове петічного выбору одовздали днесь в презідентьскім палаці 406.039 підписів за выголошіня референдума о паді влады і зміні Уставы СР. Опозиція бы хотіла через референдум досягнути предчасны вольбы. Референдум бы подля орґанізаторів мало обсягувати два ворпосы. Жытелі бы мали одповідати на то, ці суть згодны з тым, ще влада СР мать безодкладно подати демісію. В другім вопросі бы ся їх просили на то, ці суть згодны з тым, же предчасне скінчіня волебного періоду Народной рады СР є можливо зреалізувати референдумом або узнесіньом  Народной рады СР, і то змінов уставы. Орґанізаторы жадають презідентку Зузану Чапутову, абы референдум выголосила на 29-го октобра, абы одбыли ся вєдно з реґіоналныма вольбами. (TASR, Pkf)