Зрахуваня обывателів, домів і квартель  (SODB) в минулім року указало, же словацькый торг праці ся за десять років змінив і люди на Словакії ся венують іншым роботам. В минулім року з рейтінґу трьох найчастішых робот выпали робітници і ремеселници. На верху рейтінґу заместнаны суть шпеціалісты, інформувала говоркыня про SODB 2021 Штатістічного уряду СР Ясміна Стаудер. Шпеціалістом є подля SODB 2021 обыватель заместнаный як експерт в області наукы і технікы, в здравотницьтві, учітель і одборный педаґоґічный робітник, одборник адміністратівных, підпорных і обходных актівіт, одборник в області інформачных і комунікачных технолоґій і одборник в області права, соціалных справ і културы. На другім місці рейтінґу трьох найчастішых робот ся в минулім року знова обявили техніци і одборны робітници і на третім місці суть службы і обход. (TASR, Pkf)