В пятніцю 6-го марца 2026-го року Папа Римскый Лев XIV. прияв зречіня ся уряду братіславского єпархы – Преосвященого владыкы Петра Руснака. Єдночасно призначів новым єпархом дотеперішнього помічного братіславского єпіскопа – кір Мілана Лаха. В братіславскім Катедралнім соборі Воздвиженія Честного і Жывотворящого Креста то в пятніцю на обід оголосив апостольскый нунцій на Словакії Монс. Нікола Джірасолі. Кір Петро досягнув канонічный вік 75 років в септембрі минувшого року, і подля церьковного права має єпіскоп при тій нагоді подати резіґнацію Вселеньскому Архієрейови, котрый єй не мусить приняти такой. Владыка Мілан став історічно другым братіславскым єпархом. Інтронізація нового єпархы одбуде в суботу 21-го марца 2026-го року, на Акафістову суботу, у братіславскім Крестовоздвиженьскім соборі. Джерело фотоґрафії: ЛЕМ.ФМ (ЛЕМ.ФМ, Пкф)