x

Высокы Татры ся достали до болівудьского філму

00

В околіцї Слезського дому у Высокых Татрах в тых днях проходить накручаня болівудьского філму під назвов Тварї (Chehre). Є то по першый раз, коли сі індіцька продукція выбрала Словеньско. Єден із членів тіму увів, же спочатку ся мало накручати в околіцї Закопаного, наконець але вырїшыли накрутити околіцю Слезського дому. ,,Є то найлїпша локаліта, жебы ся дали крутити вшыткы потребны заберы а зарівно ся там мож достати і автом. В Iндії суть горы, але суть омного менше доступны. Роль в тім напрямі зробили і фінанції, кедже накручаня на Словениску є тунше, як наприклад в Австрії.”  Дїя філму, котрый бы мали до індіцкых і европскых кін увести в апрілю будучого рока, ся зачінать і кончіть заберами зо словеньскых гор. Єден з членів штабу, Поляк Маціей Земойцін твердить, же кедь ся тот філм уведе, до пару місяцїв на Словеньско прийдуть гуфы індіцькых турістів, затоже в Індії суть 3 основны річі, котры овпливнюють людей а то є крікет, чай і кіно.


(KORZÁR, Шутіова)