В Ганушовцях над Топльов планують обнову ґрофского парку при Дессевффиовскім каштелю. Фінанцованя проєкту мать быти забезпечене з ненавратного фінанчного вкладу у вышці 460.000 евр, причім місто приспіє сумов 40.000 евр. Як про пресаґентуру TASR повів пріматор Штефан Страка, проєктовый замірь на першу етапу одобрила Рада партнерства Пряшівского самосправного края. Парк, котрый взникнув кінцьом 19-го столітя реконштрукціов колышньой окрасной загороды, є народнов културнов памятков. Находить ся при каштелі з половины 18-го столітя і служыть як публічно приступне місце історічной зелені. (TASR, Pkf)